ماحد الطماع حاضر، الكذاب ماخصو حتى خير
وحدة كانت عندي في الفيسبوك، قاتلي واحد النهار : مالك أختي عذبتي راسك في القراية و الخدمة و تمارة؟ أنا الحمد لله تزوجت و راجلي كيفششني و كيجيبلي كووووولشي حتى لعندي فحال الأميرة! ثم أضافت ببلاهة : أصلاً أنا ما كنعمل والو و من كيجي من الخدمة، كيجبارني غير كناكل و كنتفرج، كيقولي باراكا ما تحشي فوجهك ( وتضحك بنفس البلاهة ههههه)قلت لها ببعض الإستهزاء : انتينا فشمن زمن عايشة ؟ واقيلا تأثرتِ بمسلسل حريم السلطان! هذا را زمن آخر والوقت تبدلت، المجتمع كجسم الانسان , نصفه المرأة و نصفه الآخر رجل ، تخيلي كيف سيكون حال إنسان يعاني من شلل نصفي، أي أن نصف جسده يعمل و النصف الآخر لا!لماذا تحكمين على نفسك بالبقاء تبعة لرجل مدى الحياة، و إن لم تنجح الزيجة لا قدر الله ؟؟ ماذا ستفعلين حينها وأنت دون شهادة تمنعك من طلب العون و تحفظ لك كرامتك ؟أجابت : أنا راجلي كيحماق عْلِيَ و مستحيل نتفارقو شي نهار!! أنا أصلاً غنولدلو عن قريب باش ميعمل ني هيدا ني هيدا ( الخطة ديال الأولاد= الأوتاد)و استرسلتْ في موجة من الإفتخار المُفتعل ، وهي تصف ما اشتراه لها في الخطبة و حفل العرس، و كأنها باعت نفسها و أخذت الثمن..المهم أنني و بعد مدة عرفت أن هاد السيدة لي عاملة هاد الفيلم كامل ، تزوجت ديك السيد على فلوسو، باش يديها تكمل قرايتا في الخارج ( الشيء اللي كيتناقض مع اللي كتقولو)، و من داها لتمى ما بغاهاشي تكمل قرايتا، حيت عارف راسو شراها و هو اللي كيقرر.. عايش حياتو، كيخرج يسكر و كيسافر وقت ما بغى و يرجع يلقاها هي كستناه لأنها الجارية اللي شراها بفلوسو ، و هي مجبرة تسكت و ما تقول والو! و في بعض الأحيان كيمد يدو عليها..بصراحة بقات في بزاف لأنها ضحية نفسها و تفكيرها.. وتذكرت المثل المغربي اللي كيقول : ماحد الطماع حاضر، الكذاب ماخصو حتى خير.. هذه رسالة موجهة لكل فتاة جعلت من الرجل حلماً لها .. اجعلي لحياتك هدفا واسعي لتحقيقه و لا تنتظري شيئاً من أحد ...
سارة الحداد الوهبي