» آجي نعاودلكم شني وقاعلي ديك نهايراتي ..
كانت الشتا خيط من السما وانا ف الزنقة واقفا وتقول الطاكسي بغا يتشبارلي بقيت هايداك حتى جبارت راسي تشاختشاخت وقلت أنا دابا فازكا فازكا آرا نكمل على رجلي حتا نوصل ن دار إوا وكلست ماشا نكلط حتا كنت علاين نوصل وانا توقفني واحد المرا ... آحبابي شعندك؟ قلتلي آ مرضية ديالي خايلاه إلا ما تواقافلي شي طاكسي خضر أنا سرقولي borso وخسني نمشي دغيا العواول بحدوم فدار قلتلا آحبابي أنا بيدي عييت مانشيار والو مابغا يهديهم الله راه الداقا د الشتا الطاكسيات ماكايبغيوشي يوقفو حسنلك مشي وقف ف parada د طرامبيا وستنا تماك و فتحت الصاك باش نجبد شي باراكا وانا مانجبارشي عاود بزطام .. أوو على ليو هادا قلتلا آخالتي ديالي ومحشما معاك حتا أنا سرقوني لعدوين .... خاليتا ومشيت وكنت قدام بوعراقية وانا طالعلي الدم topiiii وهي تعرطلي واحد مرا ف يدا الشمع و كاتقولي دخول زور ودعي نربي بولد الناس ... آ يما ديالي باعد مني أنا حالتي حالة بالغايس و لفزاك ماخسني لا شماعة ولا راجل .. قلتلي مشي تنقز حتا يفلسك سيدي بعراقيا مازرتيهشسي .... ضحكت ههههه و زيدت كملت الطريق ... واحد شطيطو خرجلي واحد الحماق ماعرافتو ماين جا و جرا عليا وبديت كنجري ونقول آواعدي يانا وشكون قالي ماندخلشي ن بوعراقيا هانا تفلست .... ومن قوة ديك لخلعة شن طن حتا كنت وصالت ن دار ديانا كانلهات و وجهي محمر بالكعبة ههههه »
#يوميات_طنجاويةبقلم : سعاد الدويب